ناس بكري هدروا و قالوا.....اتمنى المشاركة من الجميع

السلام عليكم
اليوم جاتني فكرة باش ندير موضوع الي نحطو فيه كل الامثال و الحكم الشعبية الجزائرية ..... الجزائرية برك ...... يزون من المصريين على خاطر المصريين عندهم مواقع الدردشة تعهم و راهم دايرين حالة فيها.......
المهم نبدا و راح نحط 3 و لا 4 و نخلي لوخرين باش تشاركو معايا



الي فاتو الحديث يقول سمعت و الي فاتو الطعام يقول شبعت
..
الي دارها بيديه يحلها بسنيه:lipssealed:
..
الحديث معايا و المعنى على جارتي (ناس الوسط يقولوها بزاف):devil:
..
البكى عند راس الميت (هذي يقولوها سيرتو في الشرق)

..
الي يبغي الشباح ما يقول آح (توجور ناس دزاير)
..
انا نحفرلو في قبر امو و هو هاربلي بالفاس (في الشرق):angel:

ما يعجبك نوارة الدفلة في الواد داير الضلايل وما يعجبك زين الطفلة حتى تشوف الفعايل

لي يبغينا نبغوه فوق راسنا كي لعمامة نحطوه ولي كرهنا نكرهوه منا ليوم القيامة

كي كان حي كان مشتاق التمرة وكيمات علقوله عرجون

اذا من عندي ومن عندك تنطبع واذا غير من عندي تنقطع

ابكي يا قلبي على الي ماتو و متبكيش على اللي فارقك في حياتو

خنفوسة تلهيني ولا غزالة تشقيني

راني ننتظر مشاركات و امثلة و حكم شعبية قوية من الجميع